Hyfforddiant Proffesiynol y Sefydliad Materion Cymreig

Doeddwn i ddim yn disgwyl lefel y manylion a ddarparwyd wrth esbonio rôl y Senedd/gwneud penderfyniadau yng Nghymru. Dwi newydd orffen fy ngradd Meistr ym maes Llywodraeth Cymru a Gwleidyddiaeth ac roedd yr hyfforddiant hwn yn ategu llawer o’r hyn a drafodwyd yn fy nghwrs gradd ond mewn modd ymarferol a hwylus. [Roeddwn i wir yn hoffi’r] gallu i siarad ag eraill ar y cwrs a dysgu oddi wrth ein gilydd. Roedd pobl ar lefelau gwahanol o’u gyrfa ac roedd hi’n wych cael sgwrsio gyda nhw i gyd. Roedd gennym grŵp cyfeillgar ac agored iawn felly roedd pawb yn rhannu eu safbwyntiau a’u profiadau eu hunain.

Hyfforddiant o’r radd flaenaf. Cyflwynwyr gwybodus a thrafodaethau gwych. Trafodaeth hynod fanwl am y tensiynau a’r problemau sylfaenol yng ngwleidyddiaeth Cymru ar hyn o bryd. Roedd gwylio cwestiynau’r prif weinidog a’r trafodaethau yn wych. Dau gwrs gwerthfawr a phleserus dros ben. Nid rhannu ‘gwybodaeth’ yn unig maen nhw – maen nhw’n dod â gwleidyddiaeth Cymru yn fyw. Mae’r Sefydliad Materion Cymreig yn cyflwyno profiadau mewn ffordd hwylus a hygyrch, gan fyfyrio ar wleidyddiaeth Cymru yn hytrach na dim ond cyflwyno gwybodaeth. Roedd yr awgrymiadau a’r cynghorion bach yn wych. Roedd y drafodaeth gyda chynrychiolwyr eraill hefyd yn wych ac yn galonogol.

Y peth fwynheais i fwyaf am y cwrs oedd strwythur y cwrs – y ffaith bod y cyflwynwyr yn mynd drwy’r pwnc yn gyntaf, cyn i ni fynd ati i’w roi ar waith gyda’r hyfforddeion eraill. Roedd cael y cyfle i siarad ag AS hefyd yn brofiad unigryw ac yn rhoi cipolwg i mi o’r hyn maen nhw’n chwilio amdano o ran dylanwad.

Roeddwn i’n hoff iawn o’r fframweithiau ymarferol/rhestrau gwirio ar sut i fynd ati i drefnu ymgyrch neu ddylanwadu – doeddwn i ddim wedi ymdrin â hyn yn systematig yn y gorffennol, ac felly dim ond rhai o’r cyfleoedd sydd ar gael ro’n i wedi’u hystyried. Gobeithio y bydd hyn yn fy helpu i eirioli’n fwy effeithiol o hyn ‘mlaen.

Fe wnaeth sut y cyflwynwyd y cwrs ragori ar fy nisgwyliadau – roedd mor ddiddorol a llawer gwell na’r rhan fwyaf o brofiadau hyfforddi rhithiol. Roeddwn i’n hoffi’r ffaith bod y rhai a oedd yn arwain ac yn cyflwyno’r cwrs yn hynod wybodus ac yn gallu ateb cwestiynau y tu hwnt i ymatebion safonol. Roedd hyn hefyd yn codi ansawdd y drafodaeth gyffredinol drwyddi draw.

Cwrs hyfforddi rhagorol gyda darparwyr cwrs profiadol a gwybodus, cymedroli gwych a fformat gwych. Llwyddais i ddysgu llawer ac edrych ar y pethau ro’n i’n meddwl mod i’n gwybod tipyn amdanyn nhw o ongl wahanol. Roedd y cyfan yn teimlo fel trafodaeth a byth yn teimlo fel darlith.

Roedd gen i ddisgwyliadau uchel gan ei fod yn cael ei gyflwyno gan y Sefydliad Materion Cymreig sydd â’r fath enw da – roedd y cwrs yn rhagori ar fy ngobeithion ac fe wnes i ddysgu cymaint.